Խաղարկության կանոններ

ԿԱՆՈՆՆԵՐ

<<Փի-Սի Էլեկտրոնիկս>> ՍՊԸ -ի կողմից կազմակերպվող գովազդային վիճակախաղի կանոններ

1․ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

1․1․ Սույն կանոնների մեջ օգտագործվող հիմնական հասկացությունները.

1․1․1․ Ընկերություն – <<Փի-Սի Էլեկտրոնիկս>> ՍՊԸ

1․1․2․ Նվերներ – ավտոմեքենա, կենցաղային տեխնիկա, զեղչի հավաստագիր,  հնարավորություն է ընձեռում Գնորդին օգտվելու Ընկերության կողմից վաճառվող ապրանքացանկից ստանալ անվճար:

1․1․3․ Գնորդ – Ընկերության կողմից վաճառվող ապրանքներից օգտվող ֆիզիկական անձ.

1․1․4․ Մասնակից – Ընկերության կողմից կազմակերպվող գովազդային վիճակախաղի մասնակցության պայմաններին համապատասխանող ֆիզիկական անձ.

1․1․5․ Հավաստագիր – Ընկերության կողմից կազմակերպվող գովազդային վիճակախաղի Օգտատիրոջ մասնակցելու իրավունքը հաստատող փաստաթուղթ, որը ունի վեցանիշ համարակալում, վավերացված է տնօրենի ստորագրությամբ և ընկերության կնիքով:

1․1․6․ Կանոններ – Ընկերության կողմից կազմակերպվող գովազդային վիճակախաղի կանոններ.

 2․ ԳՈՎԱԶԴԱՅԻՆ ՎԻՃԱԿԱԽԱՂԻ ԺԱՄԱՆԱԿԱՑՈՒՅՑ ԵՎ ՄՐՑԱՆԱԿԱՅԻՆ ՖՈՆԴ

2․1․ Ընկերությունը իր մարքեթինգային ռազմավարության շրջանակներում կազմակերպում է գովազդային վիճակախաղ (այսուհետ՝ Վիճակախաղ)։ Վիճակախաղը տեղի է ունենալու 28.05.2025թ.-ին՝ ժամը 13։00-ին, օնլայն և օֆլայն տարբերակներով։

2․2․ Վիճակախաղի ընթացքում խաղարկվելու է 1  էլեկտրամոբիլ,  4 հատ սառնարան, 4 հատ հեռուստացույց, 4 հատ լվացքի մեքենա, 4 հատ օդաքարշիչ, 4 հատ ներկառուցվող վառարան, 4 հատ էլեկտրական վառարան, 4 հատ փոշեկուլ, 50 հատ զեղչի հավաստագիր (այսուհետ՝ Շահում(ներ)):

3․ ՎԻՃԱԿԱԽԱՂԻ ՄԱՍՆԱԿՑՈՒԹՅԱՆԸ ՀԱՄԱՁԱՅՆՈՒԹՅՈՒՆ ՏԱԼԸ

3․1․ Մասնակիցը, կատարելով համապատասխան գնում տալիս է իր անհետկանչելի համաձայնությունը Կանոններին։ Կանոններին վերապահումով համաձայնությունը արգելվում է։

3․2․ Կանոնները կրում են հրապարակային բնույթ և Վիճակախաղի ողջ ընթացքում հասանելի են Մասնակցի համար Ընկերությանը պատկանող՝ pc-electronics.am կայքում:

3․3․ Ընկերությունը իրավունք ունի կատարել փոփոխություն Կանոններում, ընդ որում Կանոններում ցանկացած փոփոխություն ավտոմատ հասանելի է դառնում Մասնակցի համար Բջջային հավելվածում և Ընկերությանը պատկանող՝ pc-electronics.am կայքում։

 3․4․ Կանոնների փոփոխությունները համարվում են համաձայնեցված Մասնակցի հետ, եթե վերջինս չի դադարեցնում Վիճակախաղի իր մասնակցությունը։

3․5․ Մասնակիցը տալիս է Ընկերությանը Վիճակախաղի շրջանակներում իր անձնական տվյալների հավաքագրման, օգտագործման և մշակման իր անհետկանչելի համաձայնությունը։

3․6․ Վիճակախաղում շահող ճանաչվելու դեպքում Մասնակիցը պարտավորվում է մասնակցել Ընկերության կողմից Շահումի փոխանցման նկարահանմանը, ինչպես նաև տալիս է նկարահանված նյութերը հրապարակելու իր համաձայնությունը։

 4․1․ ՎԻՃԱԿԱԽԱՂԻ ՄԱՍՆԱԿՑՈՒԹՅԱՆ ՆԱԽԱՊԱՅՄԱՆՆԵՐԸ

4․1․ Վիճակախաղի Մասնակից դառնալու համար Գնորդը պարտավոր է միաժամանակ համապատասխանել ստորև նշված բոլոր չափորոշիչներին.

4․1․1․ <<Փի-Սի Էլեկտրոնիկս>> ընկերության Անդրանիկի 30/30 հասցում գտնվող վաճառասրահից կատարի գնում 01.09.2024թ.-ի ժամը 10։00-ից մինչև 27.05.2025թ.-ը                ժամը 20։00-ն ներառյալ:

4․1․2․ կատարել միանվագ 1,000 (մեկ հազար) ՀՀ դրամ և ավել գնում, մասնակցել ակնթարթային վիճակախաղի, որը չի չեղարկվի մինչև Վիճակախաղի ավարտը;.

4․1․3․ կատարել միանվագ գնում 100,000 (մեկ հարյուր հազար)՝ յուրաքանչյուր 100,000 (մեկ հարյուր հազար  (դրամի դիմաց ստանալով խաղարկության 1 (մեկ) հավաստագիր, որը չի չեղարկվի մինչև Վիճակախաղի ավարտը.

4․1․4․ լինել 18 (տասնութ) տարին լրացած անձ.

4․2․ Վիճակախաղի Մասնակից չեն կարող հանդիսանալ.

4․2․1․ Ընկերության աշխատողները և նրանց մերձավոր ազգականներ` ծնողները, զավակները, որդեգրողները, որդեգրվածները, հարազատ և ոչ հարազատ (համահայր կամ համամայր) եղբայրները և քույրերը, պապը, տատը, թոռները, ինչպես նաև ամուսինը.

4․2․2․ 18 (տասնութ) տարին չլրացած անձը։

4․3․ Գնորդի տրամադրած  անձնական տվյալները պետք է համապատասխանեն նրա անձնագրի կամ անձը հաստատող այլ փաստաթղթում նշված տվյալների հետ, հակառակ դեպքում նա հնարավորություն չի ունենա դառնալ Մասնակից։

5․ ՎԻՃԱԿԱԽԱՂԻ ԸՆԹԱՑՔԸ

5․1․ Շահող Մասնակիցները որոշվելու են պատահականության սկզբունքով։

5․2․ Վիճակախաղի արդյունքները ամփոփվելու են 28.05.2025թ.-ի ժամը 21։00-ին Facebook սոցիալական ցանցում Ընկերության էջում և Ընկերության պաշտոնական կայքում շահող մասնակից և շահումների մասին հաղորդագրության միջոցով։

5․3․ Վիճակախաղի ընթացքում Շահումները խաղարկվելու են հաջորդաբար։

5․4․ Շահող Մասնակիցներին որոշելու համար Վիճակախաղի ընթացքում հանդիսավարը յուրաքանչյուր Շահումի շահողին որոշելու համար լոտոտրոնի միջոցով դուրս է բերում շահող հավաստագրի համարը, ստուգվում է պատկանելիությունը, հավաստվում է շահող անձի իսկությունը։

5․5․ Հավաստագրի առկայությունը և պատկանելիությունը ստուգելուց հետո հանդիսավարը ազդարարում  է շահող Մասնակցի անունը, ազգանունը, հավաստագրի։ Անձի բացակայության դեպքում խաղարկվող մրցանակը շահում է հաջորդ մասնակիցի, ով ներկա է խաղարկությանը:

5․6․ Շահող Մասնակցին նույնականացնելուց հետո նա տեղեկացվում է Շահումը ստանալու պայմանների մասին։

5․7․ Հանդիսավարն անցնում է հաջորդ Շահումի խաղարկությանը՝ միայն նախորդ Շահումը շահող Մասնակցին ստանալու պայմանների մասին տեղեկացնելուց հետո։

5․8․ Յուրաքանչյուր Մասնակից կարող է շահել մեկ Շահումից ավել։

5․9․ Շահող Մասնակցի կողմից Շահումը ենթական չէ փոփոխության։

5․10․ Վիճակախաղի ժամանակ խաղարկվող Շահումի համար շահող Մասնակցի կողմից պետությանը վճարման ենթակա բոլոր անհրաժեշտ հարկերը վճարվում է Ընկերության կողմից։

Թարգմանություններում տեղ գտած անհամապատասխանության դեպքում հիմք է ընդունվում հայերեն տարբերակը:

Ընկերությունը պատասխանատվություն չի կրում www.pc-electronics.am-ից հղումներ պարունակող այլ կայքերում տեղադրված տեղեկատվության ճշգրտության, ինչպես նաև օգտագործման հնարավոր հետևանքների համար:

Բոլոր իրավունքները պաշտպանված են